التخطي إلى المحتوى الرئيسي

المشاركات

جيت غانعلن ونمشي

السلام عليكم يا سادة
كيف حالكم وحال أحوالكم؟
جئت لأعلن لكم عن جديد سلسلة ::على هذه الأرض ما يستحق الحياة:: 

فقد نشرت اليوم إعلان الجزء الثاني من السلسلة .. لمزيد من صنع الأمل قريبا إن شاء الله أولى حلقات هذا الجزء 


أيضا أعلن عن انطلاق سلسلة جديدة بعنوان #عْرَفْ_حَقَّكْ هي سلسلة لبناء الوعي القانوني، هذا الأمر الذي نعاني منه بشدة في الوسط المغربي باعتبار أن المغرب يمتلك أكبر ترسانة قانونية في العالم لكن أيضا شبه غياب لتنفيذه نقلبوها دارجة ماحدنا بيناتنا دابا: إيلا كانت بلادنا عندها أكبر ترسانة قانونية وفنفس الوقت كانشوفو هاد الرواااين والسيبة لي ولات منتاااشرة بشكل مخيييف هو بصاح الوعي القانوني بووحدو ماكافيش، غِير راه غير هاد الجهل بالقانون كايخلي ناس كثااااار جاهلين أولا بحقهم وبالتالي ماكايقلبوش إجييبوه، سوا عارفينو ولكن جاهلين بكيفاااش إجييبوه حيت ممكن غِير ايلا ماعرفتيش كيفاش تطالب بيه تصدق جابد علا راسك مونتيف وما هي وما لونها .. سوا مقاتلين علا شي أمور وهوما كايسحابليهوم أنها من حقهوم فحين أنهم كايكونو كايطالبو بشي حاجة ماشي كاااع ديالهوم أو لازم إيديرو واجب عاد إستحقو داك الحق واحد الحاجة…
آخر المشاركات

ماندمتش

أواحد السلااام عليكوم
أفّييين هانيةُ كولشي بيخير ؟!
دخلت كانتسركل فالمدونة كانسترجع الذكريات وكانعاود نقرا داكشي لي كتب منذ سنوات وكما العادة كانبدا نقرا شي أغتيكل وكانتعجب من اللغة ديالي فيه وطريقة تفكيري وكانشك فيا هههه وكانبدا نقول تبااااررك الله عليا الله يحفظني لشبابي هههه خلاتها فرفلّا  آخر أغتيكل قريتو قبل ما نقرر نكتب واحد جديد، هو ديال فعلت ما لم يخطر ببالي حتى ,,إقدر هادي كانت سميتو بالضبط ،، الموهيم فوسط المقال قلت كانتمى من بعد سنتان أو 3 مانكونش ندمت علا هاد الإختيار ،، داكشي علاش جيت دابا بعد أن مرّت ديك سنتان باش نقول ليكوم واش ندمت ولا لا .. نوافيكم بآخر الأخبار زعما
لحد الآن كانقول ليكوم هذا أفضل اختيار كان ممكن نديرو والحمدلله كان موفّقا وإلا رجع الزمان كنت غانعااااود نختار نفس الاختيار ،، اختريت أحسن طريق ودرت أحسن توجه مناسب ليا  لدرجة فاش شديت العطلة ماشي فرحت ولا حسيت بثقل كيما كايحسو كاااااع المغاربة فنهاية العام الدراسي وتانا كنت كانحس بهاكاك ، داك الإحساس ديال اوووووف أخييرااا تحررنا دابا عااادي بالعكس سالا العام بحاال إيلا ما سالا ، مازال كانقرا داكشي لي كنت كانقرا…

شكون هادي ::

أواحد السلام عليكوم
رجعت تاني لهاد القنت فهاد اللحظة محتاجة نهضر كثر من أي لحظة من قبل..  محتاجة نفهم راسي دابا كثر من اي مرة من قبل .. حسيتو بيا مقلقة شويا .. خاسكوم تحسو بيا ..  واااي وااحد السلبية كاينا فيا فهاد اللحظة ــ ماعرفت كيفاش نخرج منها  جربت شحال من طريقة ،، لي كان قالها ليا كانقول ليه سير توضى وصلي جوج ركعات وعاود لربي كاع داكشي لي فخاطرك ولكن ملي ماتقدرش لا تصلي لا تعاود، حتى فاش تسجد ماتحسش برغبة لا فأنك تعاود لا فأنك تبكي لا فأنك تقول تااحاجة ،، محتااجة لشي حاجة أو شي حد .. ميغد .. فاش تولي هاكا لمرضاااا   والله ما بقيت عارفة مالي ،، وليت بيزااغ .. عرفت هادي تجربة تاني استثنائية فحياتي لعاااالم الله آآآش غادير فيا تاني ولآشمن جهة غاتديني .. غير الله يحضر السلامة غالبا كانشد الطريق يعني صعيب بعد كااع العذاب ننحرف حيت لإنحراف هو لي أصلا كايعذبني  والله ما بقا كايبان ليا غير التدوين لإفراغ هاد النبغ لي فخاطري دابا ,, راه شي 3 ايام وانا مقاتلة معا راسي غير باش نحل هاد الباج ..  ماكرهتش إيكون عقلي مرتابط أوتوماتيكيا بهاد العجب ، فينما نفكر فشي حاجة تجي تكتب هنا نيشان .. مافيا لي إفكر …

تزعطااش

اليوم الموعود
9 نيسان
أنا حقيقة نيسانوكل من دوني أكاذيب 
مقدمة متواضعة جداًّ مني 

إيلا بغيت نهضر علا تسعطاش أو كما أحببت أن أسمّيها من البارح(تزعطااش) ما نقدرش نعترف بيها بلا مانذكر تمنطاش 
من ديك تمنطاش تال دابا تبدلت وبزاااااااااااااااااااااااااف
غيرت الوجهة ودرت داكشي الذي لم يخطر على بال أحد
ووليت هاديك التي لم تكن تخطر على بال أحد
الكل يشجعني ،، ولكن أنا ماعاجبنيش الحال!!
أنا لست أنا
 أنا لا أُشبِهني
ماشي ماعاجبنيش كولشي
ولكن كاين واحد الكوطي خاصو مايتزعزعش 
وأراااه يتزعزع يوما بعد يوم
وهادشي لي كيخلع
إن قررت فماذا أقرر ومن ينفذ وأنا المدمرة لنفسي ؟! ، ملي كانقرر كانخياب ونفسي كاتاكول الدق مزيااان
داكشي لي قلت فتمنطاش باقي نقولو فتسعطاش، ولكن مابقاش كافيني داك الحد بغيت نزيد ،، 

ماشي متشائمة لكن مانقدرش نفرح وانا خايبة هاكا ،، نفرح أوكي ولكن مانقولش كولشي زين خصوووصا معا راسي
ختاما حيت كانحس براسي مبلوكية ماقادراش نفكر وماقادراش نتخيل أكفس من هاكا
وليت كانحس أني كنصلّي في اتجاه آخر

طه عبد الرحمن ،، و أنا

مضحـــك أن تتكبد عناء الحضور والإنتقال من كلية الآداب إلى المدرسة الوطنية للتجارة والتسيير بسبب نقل فعاليات المؤتمر إلى  هناك، كل هذا لتحضر مؤتمرا يناقش فكر "طه عبد الرحمن" وأنت لا تعرف لا "طه عبد الرحمن" ولا فكره 


جئت لأستمع لمن تأثروا بأفكاره وكتاباته، فتأثرت بأخلاقه ،، دابا غادي نقرا ليه 

اشتريت كتاب "بؤس الدهرانية" عندما أعلن رئيس الجلسة عن استراحة 15 دقيقة  أظن أن هذا الكتاب هو آخر ما نشر لمفكرنا هذا 
على فكرة، أنا تأثرت بأخلاقه، وكتابه هذا يتحدث عن النقد الإئتماني لفصل الأخلاق عن الدين 
أتباع "الدنيانية" مايلقاو منين إدوزو ليك ،، أنا أشهد لك بأخلاقك الراقية ^^
هنيئا لي بهذا اللقاء 
كان المؤتمر تحت شعار "الإبداع الفكري بين النظرة التكاملية للعلوم والمنظور التأثيلي لاستشكال المفاهيم"
دولي ==> في الإستراحة سمعت كل اللهجات اللهجات المغربية أولا من الشمال إلى الجنوب ثم اللهجات المغاربية ، الجزائرية (على الخصوص) وأظن كان بين الحضور أيضا مصريين ^^
لكننا "ما تفرقش بيناتنا" كالأشقاء ^^
أيضا هناك نقطة ملفتة أكثر ،، حضور طلبة كلية…

ما حْنا كفار ما حنا مسلمين ،، نحن كالمُعَلَّقة ..

بعدما قررت إعتزال حضور خطب الجمعة جاتني فكرة هاكا معا راسي بمناسبة نقاشات حول هذا الموضوع مع أحد الإخوة والأخوات,, و مشيت نشوف واش باقيا الحالة هيا هيا ،، والبشرى السارة: أنها صارت أكفس بطبيعة الحال، متى كان المخزن يعرف للخشوع سبيلا ؟! تسمع الخطيب كما لو كنت تستمع لإحدى نشرات الأخبار الفارغة والله يخيل لي أنني أسمع لآلة (روبوت يتحدث)
جاء الإسلام ليصنع الأحرار، فصيرونا بإسلامهم عبيدا الدّين الذي جاء به محمد ما كان ليحول الشعب إلى قطيع، يرفعون أيديهم للدعاء كلما سمعوا ”اللهم” والخطيب لم يقصد الدعاء
الدّين الذي جاء به محمد ما كان لينوّم السامعين لخطبه
الإسلام جميل، ولا علاقة لصوت المؤذن ولا الخطيب ولا الإمام بالجمال، أصوات منفرة، مواضيع تطرد الملائكة فما بالك بقلوب العباد المفروض أن يكون موضوع خطبة هذه الجمعة حول “المونديال” كما كان من المفروض أن تكون خطبة “أسبوع موازين” حول موازين لكن لو كان كل ما هو مفروض أن يكون، موجودا، لما قلت لا عشنا ولا عاش الوطن ..

ما دامت السلطة الدينية (السلطة الرابعة) غير مستقلة عن باقي السلط , , فلن نصير يوما مسلمين،،
نريد خطبا تلمسنا ..
خطيب يستقطبنا ..
لا نريد احتكار الد…