التخطي إلى المحتوى الرئيسي

الشعب يريد إسقاط نفسه






ديما النظام اللي خاسر
ديما الفاسي اللي ضاسر
ديما المخزن اللي مْحَاصَر

ونتا مادرتي والو ؟


حنا ديما ظريفين
حنا اللي محكورين
وحنا الشعب اللي مظلومين
ومكبوتين

وكتسنا إمتا تَنْفَاجَر !


كنت بحالك كـَـنـْلوم الدولة
ولكن هاديك اللي ساهلة
حِيت كتلوح عليها كولشي وتخلِّيها واحلة
كاتنقِّي نيتك وتخلِّي ضْواصِيها كحلة


سمعني شنو نقولــِّـيك

شكون عطا الرشوة ؟ == الشعب
وشكون خداها منُّو ؟ == الشعب

شكون مات فالسبيطار؟ == الشعب
وشكون تمَّا قتلو ؟ == الشعب

شكون ماقاريش؟ == الشعب
وشكون ماقـَرّاهْش؟ == الشعب

شكون المظلوم؟ == الشعب
وشكون الظالم؟ == ديما الشعب


إذن، الشعب يريد إسقاط نفسه

علاش كـَـنـْغَوْتــُو ملِّي حتــَّا حنا كـَنـْلـَوْثــُو
علاش ضد الفساد دايرين ثورة
وكنديرو ديما علا النظام دورة
الخطأ ديالي وديالك
حِيت هادي بلادي عاد بلاد الدولة



تعليقات

  1. waaaaaaaaaaaaaaaaw ya salam mais bghit na3raf ch7aaal 3tawk akhtii afaaaf bach glabtii ra2yak wa bayna wach chii hamza s7iiii7a hadiii hhhhhhhhhhhhhhhhhhhhhhhh staylii

    ردحذف
  2. تعليقك مضحك . . لكنك لا تعرفني ولو أنك تعرف بعض الشيء . . هذه نظرة إيجابية للواقع خالية من المؤثرات والزخرفاات . . هذه الحقيقة . . و غِير بان ليك رااه ما غيَّرتش رأيي .. بالعكس مازلت أتشبت به

    وإليك إجابة رابورية مقتطفة من إحدى مورصواتي المتعلقة بمهرجان الفسق والفساد موازين :

    anaflow maklat 3ssa macherbaat Wiskiya
    makherjat f modaharaaat ma7edrat festivalat gawrya

    للأسف . . رأيي لا يُباع ولا يُشترى

    ردحذف
  3. دمت لنا يا استادتي الغالية ستبقي دائما عالية وان ارادو رميك بالهاوية. وبصحتك نيو لوووك ديال بلوك.عبدالله سطيلي الهواري

    ردحذف

إرسال تعليق

المشاركات الشائعة من هذه المدونة

سوسية 'زعما أنا' تنضم للجن

لست شمكارة ،، لكني ضايعة حتا انا

من سوس أنافلاو تنضم للجن
كليليكو لفووق تسمعوو شي هضرة قاصحة ،، 
واخا قررت مانهضر فالسياسة ولكن ،، جبدووووني تاني 
الغالب الله
خلّاها بنكيران :: بعد المرات كاتقولو شي هضرة كايطلع ليا الدم ،، 

ههههه  الله يخليك لينا أودّا بنكيران ،، اولله أنا نتا عزيز علياا ،، راه ما بغيت شي منصب ،، غِير كلمة الحق
ملّي شفتهوم كايضحكو عليك فينما تهضر فداك مجلس المستشارين ،، علمت وتأكدت أنك عندك ما يتقااال ،، وأنهم يكيدون لك كيدا وأنك تخالف هواهم وتمشي ضد التيار ،، معاانا كاملين
راه الشعب يحب من يكرهه دوك المستشارون وتريكة الفاسي وعوالم الفساد


كلمة حق في حق داعش

السلام عليكم ورحمة الله وبركاته
غبرت بزااااف أنا عاارفة، لكن عمري نسيت واش عندي هاد الفسحة لي كانت ديما كاتخليني نغوت بلا ماتسكتني  صدقووني أشتااااق لأيام التدوين كثيــــــــــــــرا.. كنت بديت كنحس براسي كنتحرر من بزااف دالأفكار لي كانت مرضااني ف عقلي ومابقاش غير راسي لي واكل الدق من كاع دوك السيناريواات الي كايجيوني بل صرت، المدونة وأنا كاناكلو الدق مجموعين ،، لذا خفافت الدقة شويا 

شفت بزاااف ديال الكذووب والظلم والتشويه وكان لابدا نهضر ,, عرفت أن بلا سلبية بوحدها لي تخليني نهضر وانا حاسة بأن الدار داري وبالتالي ناخد راحتي الكاملة رغم أنه لا أمان حيثما كنت ,, أدرك ذلك جيدا
كلمة حق في حق داعش ,, وقبل ما نبداها مابيت تاااشي حد إفكر ولو لبرهة في كلمة "إرهاب" التي ظلت أمريكا ترهبنا بها حتى تحقق مصالحها على أنقاض مخاااوفنا
حرروا عقولكم .. عااد قرااو الله يرضي عليكوم .. ومن له عقل يعبد الإعلام ويصدق كل ما يقولون له إدير بحااال إيلا ما قرااا والو و يحبس عند هاد السطر بارك الله فيه.. ويضرب دورة وعمرو إرجع لهاد القنت حتا يكون مستعد إستقبل كل أوجه الحقيقة باش لا عل وعسى يعرف الوجه الصحيح…

جيت غانعلن ونمشي

السلام عليكم يا سادة
كيف حالكم وحال أحوالكم؟
جئت لأعلن لكم عن جديد سلسلة ::على هذه الأرض ما يستحق الحياة:: 

فقد نشرت اليوم إعلان الجزء الثاني من السلسلة .. لمزيد من صنع الأمل قريبا إن شاء الله أولى حلقات هذا الجزء 


أيضا أعلن عن انطلاق سلسلة جديدة بعنوان #عْرَفْ_حَقَّكْ هي سلسلة لبناء الوعي القانوني، هذا الأمر الذي نعاني منه بشدة في الوسط المغربي باعتبار أن المغرب يمتلك أكبر ترسانة قانونية في العالم لكن أيضا شبه غياب لتنفيذه نقلبوها دارجة ماحدنا بيناتنا دابا: إيلا كانت بلادنا عندها أكبر ترسانة قانونية وفنفس الوقت كانشوفو هاد الرواااين والسيبة لي ولات منتاااشرة بشكل مخيييف هو بصاح الوعي القانوني بووحدو ماكافيش، غِير راه غير هاد الجهل بالقانون كايخلي ناس كثااااار جاهلين أولا بحقهم وبالتالي ماكايقلبوش إجييبوه، سوا عارفينو ولكن جاهلين بكيفاااش إجييبوه حيت ممكن غِير ايلا ماعرفتيش كيفاش تطالب بيه تصدق جابد علا راسك مونتيف وما هي وما لونها .. سوا مقاتلين علا شي أمور وهوما كايسحابليهوم أنها من حقهوم فحين أنهم كايكونو كايطالبو بشي حاجة ماشي كاااع ديالهوم أو لازم إيديرو واجب عاد إستحقو داك الحق واحد الحاجة…