الجمعة، 28 أكتوبر، 2011

ما كاين ما نكتب


بدون صورة 


أواحد السلام عليكم

وا توحشت هاد القنت 

شحال هادي ما كتبت

وا شحال هادي ما شعلت البيسي

ختكوم بغات تقرا هاد العام 

معا القضية فيها 24 فولط خاصناااا نحضرو عقلنا ماحدو ما حاضر

إيوااا سافا بعدااا ؟؟ لاباس عليكوم و علياااا ؟؟

فُرِيمُو ماعنديش موضوع محدد علاش نهضر الموهيم لبق ولصق وغااااديا القضية

دَوَّزت شي صيمانات كي الزفت . . عيـــَّانة ما راشقاااااش ليا . . خسرت معا بنااااادم خسَّرت الضواسا بالبيان معا بزااااف

و بيـــــــــخـــــــيــــــــر

(( زَعـْـتــَة ))


آآآآي وا أومْبلوَا مشااارجي بالبلان
وا هاد العام غانخرجو شي ساتيليت أو لا نطلعو شي صاروخ ما فيها شك . . 
وا كثرووووا علينا ولِّينا كنقرااو بزااااااااااف صدق أو لا تصدق

توحشت لذة النعااااس . . توحشت نكهة 8 ساعات أمام لورديناتور بدول ملل أو كلل . . توحشت الفياق معا 10 أو 12 كااااااااااع علاه فين زربااانين 

وا دابا 5 مينوت قدام هاد الزعت وا عييت ضَرّْوني عيني مرضني الكرسي .. . جاب ليااا هاد الزعت النعاااس مضوبل 

وا صافي أنا كاااع غنتلاح . . تهلااااو و ماتنساااونيش راني ديما هنا واخا ماكاينااااش


السلام عليكم

الثلاثاء، 11 أكتوبر، 2011

كل ملتزم متهم حتى تثبت إدانته

 
صيغتي الخاصة: كل ملتزم متهم حتى تثبت إدانته


وا بااااااااااااااااااااااااااااز .. مايخلِّيوكش

وا غير الِّي عندو شي عينين راه خرجهوم فيك، أولِّي قدر إهضر معاك راه سمَّعهوم ليك

شوفو ألخووت . . سمعو مني هاد الهضرة 

غير الِّي طلق لحية وقصَّر فوقية جعرتو عليه 
الِّي لبسات حجابها الشرعي (وأدقق على كلمة الشرعي) تبعتوها غير إمتا تعكل وتخطأ باش تجمعو كاع السلفيين فمعيارة

نقول ليكوم واحد الحاجة .. أولله نتووووما الِّي معقدين ماشي هوما

الِّي تبع الرسول صلى الله عليه وسلم راهو فااااز ومادارش داكشي لنفسوو
والِّي تبع العادات والموضة والعالمية راهو خسر وتابع غير شهوتو وكيعبد فنفسو

نتاا قررت تبع نهج الفاجرين والفاجرات من الفنانين والفنانات
وهوما قرروا إتبعو نهج الرسول صلى الله عليه وسلم والصحابة والصحابيات والسلف الصالح

فالأخير كيبقا الأمر مجرد قرار وكوووووووووولنا غنتحاسبو فالأخير فنفس المحكمة وعلى يد نفس الحاكم 

بصرااحة أنا ولَّا كايبان ليا أنو أي حد ماعجبووش اللباس (وهنا أتكلم عن المظهر فقط) ماعجبووش اللباس الإسلامي الصحيح فهو يامَّا بدون شخصية، يامَّا عقلو متحكم به من الخارج، ياما بغاا إيتبعو حتا هوا غير ماقادرش ألوغ مابغا تاااحد إديروو حتا إديرو هوا
 
عرفتو راهوم ماعندهومش شي مشكل قدكوووم
لو أنكم تكمَّشتم، لعااشوا في سلام

وا ديــــما : آش بغيتي نتي كااع هادشي _ آآآي شحال لابسا _ واولِّيتي بحال شي شارفة _ وانتي غير بقاي مخشيا فديك الخيمة
ونتا لحيتك كي شطابة البلدية _ وا فوقيتك ديرها صايا وتهنا _ أشاوا ديك اللحية كاعما بقا كايبان وجهك

وغيرها من الكلمات الجاااااااارحة والله

عندنا فاللمؤسسة .. المدير شاد الزكير معا صحاب اللحية وصحابات الحجاب الشرعي 
والحارس العام شاد معايا أنا الزكير من نهار نويت نصلِّي العصر وسط حصة الفرنسية
أصبحت أشك أننا في بلد مسلم

وا ما بغيتيش تصلي .. خلِّيني أنا نصلي

ومابغيتيش تلتزم .. ما تمرضش الِّي نوا إلتزم

وا سبحااان الله أنا كيضحكوني فاش كايقولو وزارة التربية والتعليم

التربية السليمة لا توجد إلا إلا إلا إلا في الإسلام

وأنتم تقفون كحاجز أمام كل من استسلم لله

وا باااز تناااااااااااااقض 

هادا يعني أنكم تشجعون على العري وفتحة الصدر والميني والسواالف
و والله هذا النوع لا يجد مشكلا بتااااااتا داخل المؤسسات المغربية
مرحب به في كل مكان .. وله الأولوية داااائما

الحمدلله لو كان الإلتزام للناس لتركه كل الملتزمين
لكنه لله والله يجزي عليه وينصر المؤمنين

على ضد من وقفوا ضد مظهري .. سأزيد من تشبتي بديني 
فل يقولوا عن حجابي، لا وربي لن أبالي

سأسأل الله دوما الثبات على الحق
وكلمة أخيرة لمن هم ضد ارتداء الحجاب، أقول إنكم تحاربون أمرا إلاهيا 
وآية الحجاب معروفة، ابحثوا عنها وابتعدوا عن البحث في زلات وأخطاء كل من يحمل مظهرا إسلاميا



ملاحظة: أولا أنا متأكدة أن نظرتكم إلي ستتغير وتحليلكم لمقالاتي أيضا سيأخد اتجاها آآآآخر.
 
تانيا
إن كنت أنا غير متضايقة فلماذا تسعون للتضييق علي


واباااااااااااااااااااااااااااااااااااااااز
 
 
وَمَا كَانَ لِمُؤْمِنٍ وَلا مُؤْمِنَةٍ إِذَا قَضَى اللَّهُ وَرَسُولُهُ أَمْرًا أَن يَكُونَ لَهُمُ الْخِيَرَةُ مِنْ أَمْرِهِمْ وَمَن يَعْصِ اللَّهَ وَرَسُولَهُ فَقَدْ ضَلَّ ضَلالا مُّبِينًا(36) وَإِذْ تَقُولُ لِلَّذِي أَنْعَمَ اللَّهُ عَلَيْهِ وَأَنْعَمْتَ عَلَيْهِ أَمْسِكْ عَلَيْكَ زَوْجَكَ وَاتَّقِ اللَّهَ وَتُخْفِي فِي نَفْسِكَ مَا اللَّهُ مُبْدِيهِ وَتَخْشَى النَّاسَ وَاللَّهُ أَحَقُّ أَن تَخْشَاهُ فَلَمَّا قَضَى زَيْدٌ مِّنْهَا وَطَرًا زَوَّجْنَاكَهَا لِكَيْ لا يَكُونَ عَلَى الْمُؤْمِنِينَ حَرَجٌ فِي أَزْوَاجِ أَدْعِيَائِهِمْ إِذَا قَضَوْا مِنْهُنَّ وَطَرًا وَكَانَ أَمْرُ اللَّهِ مَفْعُولا(37) مَّا كَانَ عَلَى النَّبِيِّ مِنْ حَرَجٍ فِيمَا فَرَضَ اللَّهُ لَهُ سُنَّةَ اللَّهِ فِي الَّذِينَ خَلَوْا مِن قَبْلُ وَكَانَ أَمْرُ اللَّهِ قَدَرًا مَّقْدُورًا(38) الَّذِينَ يُبَلِّغُونَ رِسَالاتِ اللَّهِ وَيَخْشَوْنَهُ وَلا يَخْشَوْنَ أَحَدًا إِلاَّ اللَّهَ وَكَفَى بِاللَّهِ حَسِيبًا(39)
 [سورة الأحزاب]