الثلاثاء، 21 فبراير، 2012

إضـــــــــــراب (تااااااااني)


 

:S

 تاااااني إضراب 

أنا بغيت غِير نعرف السبب عااوتاني .. للأسف مالقيتش .. كولشي بايخ

موهيم.. الله يعاونكوووم أ خوتنا الأساتذة .. عارفينكم مكرفصين 

الصراحة كولنا مكرفصين .. غِير خلِّيها عالله

الموهيم نشوفو الأمر بإيجابية .. كما اتفقنا

هنِّيتونا من مقرر متخلف .. وإن كنت اشتقت لأساتذتي العظماء الذين ما فتئوا  يضيفون للمقرر دروسا من تأليفهم الخاص أكثرها في علم النفس ثم في سبل النجاح والتميز والتفوق ثم دروسا في الحياة والواقع وآخر أخبار العالم ومستجداته

إن كنتم غائبون فالعِلم لا يغيب

فلنستغل هذه الأيام :

نبدأ ما اتفقنا عليه
...
...
...
حفظ كتاب الله

كما يمكننا تعلم لغة جديدة 

بالنسبة لتلامذة الجهوي : ابدؤوا الحفظ باش مايْدَّكَّس عليكوم داكشي من بعد وخصوصا من يدرسون التاريخ والجغرافيا

وبالنسبة لتلامذة الوطني .. كذلك هذه فرصة غااااااالية .. استغلوها (أنتم العقلاء لاتحتاجون لنصيحة ههه)
 
تلامذة جذع مشترك .. هاد المستوى هو أهم مستوى .. والله .. هادا هو الساس ديال الأعوااااااام الجاية .. أولا هاد المستوى الدروس ديالو كتااااار + خاصها وقت وممارسة باش تفهمها مزياان ..... إذن هذه فرصة لا تعوض .. وستندم على ضياعها من بعد .. 
وا اسمع كلامي أواا

تلاميذ الإعدادي .. أشان نقول ليكوم .. أنا عندي هاد المرحلة مهمة بزاااف .. كاتلعب مزيان بأخلاق الفرد ومستقبله .. هنااا اهتم بالتوجيه الصحيح وبإصلاح نفسك .. عنداااااااك تمشي معا الريح لِّي جات تدِّيك .. إيلا فلتِّي هنااا .. مشيتي كفتة 



لخوووت ماتفرحووووش حيت الأستاذ ماجاش .. واخا حنا غادي نستغلو هاد الإضراب لصالحنا .. لكن الإضراب فحد ذاته راهو ماشي فصالحنا بتاتا .. راه العِلم المنظم الممنهج ليس مثل العشوائي (تاعنا زعما)

الموهيم الله يصبرنا معا هاد خووتنا .. واحذروا من استغلال هذه الأوقات الثمينة في التشمش والجْمَاعة الخاوية والتهريج والتـَّكية على القـْـنـَاتي .. 

فتلك سيمة التخلف ..

 ولا ننسى أننا لا نريد أن نكون على الطريقة التي يريدوننا عليها

فتعلـُّمنا صفعة في خد أعداء الشعب ثم أعداء الإسلام وأعداء الأمة المحمدية


دمتم للعِلم حاملين
  :)