التخطي إلى المحتوى الرئيسي

ضايعيــن

 

قلنا نبعدو علا السياسة ((اووف شحال من خطرة قلتها) قلنا ندّيوها فقرايتنا .. ماخلّاونيـــــــــش



عمّرك حسّيتي براسك ضاااااايع ؟؟؟
أوّلا كادّير شي حاجة ما مواتياكش .. ثانيا شي حاجة مامريْحاكش ثالثا كاتحس براسك غِير كتضيّع وقتك فيها .. ما واصل ما واصل
أوذّي التعليم ضايع وحنا ضايعين معاه .. واك واك آشنو لي باقي مقاد فهاد البلاد
 أستاذ كايدرير السوايع ب 300 درهم .. الدراري لّي كايقرّي فالقسم المدرسي كايقرّيهوم فالصونطر ..
 علاااااااااااااااااااااااااااااااااااااااااااااااااااااااااااااااااااااااااااش ؟؟؟؟؟؟؟؟؟؟؟؟؟؟؟؟

علاش فالصونطر كايفهمو وفالقسم لااااااااااااااااااااا
 علاااااااااااااااااااااااااش ؟؟؟؟؟؟؟؟؟؟؟؟
 نفس الأستاذ نفس السبورة نفس الفوتر نفس المقرر نفس الدرس نفس التلاميذ .. علاش فالقسم مافاهمش وفالصونطر فاهم ..
 قاليك فالصونطر كايشرح مزياااااان ..
 شماااااااااااااااااااتة .. جلاااااااااخة ... زبّالة المجتمع
هادا هو السوسة التي تنهش فالمجتمع .. هاد عبد المال .. تفوو علا ماركة

...

واحد آآخور .. بغيت نعرف علاش بنادم عزيز عليه فينما شدّ إحكم .. 
 كولشي بغا إتسلط .. كولشي كايقول الله يعز الحْكـَام
 واحد واك واك ..  وا واالو .. كايسحابليه راسو قاري ف نيويورك .. 
كايشرح ليك ربع ساعة كايقول ليك اووووووووووووف وا صافي ماكاينش باقي لّي غايشرح ليك كثر من هادشي
إيلا قلتي ليه مافهمتش .. إيقول ليك هادشي ثقافة عامة علاش ماتكونيش عارفاه .. إيلا مافهمتي سيري ديري السوايع .. راه ماكاينش شي حد لّي إيشرح ليك حسن من هاكا
أنا ولّيت غِير كانضحك وكانقول .. ضايعيـــــــــــــــــــــــــــــــــــــــــــــــــــن
 داك بنادم الأول .. قلنا ليه أستاذ راه درتي خطأ فواحد العلاقة قالّيك لا .. و خربق علينا شويا .. من بعد الامتحان قالّينا آآه راه كان فيها غلط..

و أنا دابا ضاااايعة يااك ؟؟ معا صافي داز الامتحان .. الي عطا الله عطااه .. 

الله يمسخكووم
فين غاديين بينا .. ؟؟ وإلى متى .. 
 كايخرج الأستاذ معا 17 .. ما كانشوفوه حتال 18 .. التخلويــــــــــــض

الأستاذ دالإسلاميات ساعة وحدة فالصيمانا .. معامل 1 أو 2 الموهيم وااااااالو .. كايطفي بورطابلو فالحصة.. واحد  المرة لّي نساه .. غِير صونا وهو يتحرج مسكين طفاه وتزنك
وشي جلاخة داير فيها أحواش والفوليم حتال ماكس .. ومازال كايخرج إجاوب .. إرجع مايقول ليك لا سمح ليا لا إكسكوز مي .. تريكة برتقيز
بيزنيس مان .. الله يشتت ليكوم البابوراط .. كاتربحو علا ظهر الدراوش .. 
ملّي بدا العام و هومصدّعنا كتبت ليكوم هاد البوليكوبي وعطيتو ليكوم فااااااااابور ماخلّصتو لا حقوق الطبع لا حقوق النشر لا حقوق المؤلف .. حنا مخلصين فيه 25 درهم ومازال ضاربين تجبيدا ديال الطريق تال قرطاحنة بحال الهبّال كانقلبو فين جات الكوميساريا حداها واحد الجردة حداها شي مقاطعة كاتب عمومي الكاراج التالث الخلا .. ... وفالأخير باش إيسالي معاك إيقول ليك هادشي درتو فسبيل الله .. فيـــــــــــــــــــــــــــــــــن أودّي .........
 البخاري كتب أصح الكتب بعد القرآن .. فيـن إيباااااااااااااااااان قدّام البوليكوبي ديال هادا لا فالحجم لا فالمحتوى .. ما عمرو نوى ولا فكّر مجرد تفكير إيقول للأمة هاد الهضرة ..

خلاصة الأمر .. ضايعيـــــــــــــــــــــــــــــــن
واخا تبعّد علا السياسة بكل مصادرها .. الإنحطاط تابعك تابعك ..

واحد الجلاخة آخور .. داير فيها مثقف و واعي .. بلا حشمة بلا حياء .. كايهضر علا شي بلايص وبأقرف العبارات وأكثرها انحطاطا .. تفووووووووو الثقافة ديال واالو
واحد النبق آخور .. التفلسيف والتاريخ والمعارف والدلائل وجاء عند ابن منظور وفي القرن 17 و 18 و القرينة الكحلة .. غِير إعصبو شي بنادم إبدا إسب تحت سانتورا .. السبّاان د لاغوي ==> تربّا فالقناات

ما بقيناش فمؤسسة تربوية تعليمية .. هادي زبّالة .. وبريحتها .. خنوزيتها قالت للواد أورتسّنت ياات

 .. إيلا شفتي كاع هاد المناظر .. 
ونتا جاي وعازم وناوي تدير شي حاجة فحياتك
غادي تدير شي حاجة فحياتك
حِيت نتا هو التغيير 

 ماشي كاااع .
هاد العالَم الموسخ المعفوون .. 
هاد بنادم لّي ما بقا بينو وبين الخير والإحسان لا خير لا إحسان ..

هاد العالم الخااوي مايقدرش اصمد قدّام قيم ومبادئ وعقيدة المؤمن .. إذن غادي توصل ولو كره الكافرون والمجرمون .. 




تعليقات

  1. مقال رائع يعكس واقع مرير لاو بطريقة رائهة تحياتي

    ردحذف
  2. شكراااا على الرد المشجع ،، وتستمر مرارة الواقع إلى أجل غير محدد ،، الله يدّينا فالضو

    ردحذف
  3. امين ان شاء الله نعيش التغيييير الى الافضل

    ردحذف

إرسال تعليق

المشاركات الشائعة من هذه المدونة

سوسية 'زعما أنا' تنضم للجن

لست شمكارة ،، لكني ضايعة حتا انا

من سوس أنافلاو تنضم للجن
كليليكو لفووق تسمعوو شي هضرة قاصحة ،، 
واخا قررت مانهضر فالسياسة ولكن ،، جبدووووني تاني 
الغالب الله
خلّاها بنكيران :: بعد المرات كاتقولو شي هضرة كايطلع ليا الدم ،، 

ههههه  الله يخليك لينا أودّا بنكيران ،، اولله أنا نتا عزيز علياا ،، راه ما بغيت شي منصب ،، غِير كلمة الحق
ملّي شفتهوم كايضحكو عليك فينما تهضر فداك مجلس المستشارين ،، علمت وتأكدت أنك عندك ما يتقااال ،، وأنهم يكيدون لك كيدا وأنك تخالف هواهم وتمشي ضد التيار ،، معاانا كاملين
راه الشعب يحب من يكرهه دوك المستشارون وتريكة الفاسي وعوالم الفساد


جيت غانعلن ونمشي

السلام عليكم يا سادة
كيف حالكم وحال أحوالكم؟
جئت لأعلن لكم عن جديد سلسلة ::على هذه الأرض ما يستحق الحياة:: 

فقد نشرت اليوم إعلان الجزء الثاني من السلسلة .. لمزيد من صنع الأمل قريبا إن شاء الله أولى حلقات هذا الجزء 


أيضا أعلن عن انطلاق سلسلة جديدة بعنوان #عْرَفْ_حَقَّكْ هي سلسلة لبناء الوعي القانوني، هذا الأمر الذي نعاني منه بشدة في الوسط المغربي باعتبار أن المغرب يمتلك أكبر ترسانة قانونية في العالم لكن أيضا شبه غياب لتنفيذه نقلبوها دارجة ماحدنا بيناتنا دابا: إيلا كانت بلادنا عندها أكبر ترسانة قانونية وفنفس الوقت كانشوفو هاد الرواااين والسيبة لي ولات منتاااشرة بشكل مخيييف هو بصاح الوعي القانوني بووحدو ماكافيش، غِير راه غير هاد الجهل بالقانون كايخلي ناس كثااااار جاهلين أولا بحقهم وبالتالي ماكايقلبوش إجييبوه، سوا عارفينو ولكن جاهلين بكيفاااش إجييبوه حيت ممكن غِير ايلا ماعرفتيش كيفاش تطالب بيه تصدق جابد علا راسك مونتيف وما هي وما لونها .. سوا مقاتلين علا شي أمور وهوما كايسحابليهوم أنها من حقهوم فحين أنهم كايكونو كايطالبو بشي حاجة ماشي كاااع ديالهوم أو لازم إيديرو واجب عاد إستحقو داك الحق واحد الحاجة…

تزعطااش

اليوم الموعود
9 نيسان
أنا حقيقة نيسانوكل من دوني أكاذيب 
مقدمة متواضعة جداًّ مني 

إيلا بغيت نهضر علا تسعطاش أو كما أحببت أن أسمّيها من البارح(تزعطااش) ما نقدرش نعترف بيها بلا مانذكر تمنطاش 
من ديك تمنطاش تال دابا تبدلت وبزاااااااااااااااااااااااااف
غيرت الوجهة ودرت داكشي الذي لم يخطر على بال أحد
ووليت هاديك التي لم تكن تخطر على بال أحد
الكل يشجعني ،، ولكن أنا ماعاجبنيش الحال!!
أنا لست أنا
 أنا لا أُشبِهني
ماشي ماعاجبنيش كولشي
ولكن كاين واحد الكوطي خاصو مايتزعزعش 
وأراااه يتزعزع يوما بعد يوم
وهادشي لي كيخلع
إن قررت فماذا أقرر ومن ينفذ وأنا المدمرة لنفسي ؟! ، ملي كانقرر كانخياب ونفسي كاتاكول الدق مزيااان
داكشي لي قلت فتمنطاش باقي نقولو فتسعطاش، ولكن مابقاش كافيني داك الحد بغيت نزيد ،، 

ماشي متشائمة لكن مانقدرش نفرح وانا خايبة هاكا ،، نفرح أوكي ولكن مانقولش كولشي زين خصوووصا معا راسي
ختاما حيت كانحس براسي مبلوكية ماقادراش نفكر وماقادراش نتخيل أكفس من هاكا
وليت كانحس أني كنصلّي في اتجاه آخر