التخطي إلى المحتوى الرئيسي

درت باقي ما لم يخطر على بالي حتى



عقلتو علا “رياح التشوميرا” ؟؟
وعلا هاد الكلمات : 
ما عرفت علاش كانحس بأني مجبرة نكمّل ،، مع انه لا ينتهي العالم إيلا توقفت ودرت ما لم يخطر على بال أحد ،، آش غايطرا إيلا حوّلت الإتجاه والمنحى (والمنظم ونقطة التماس) ؟؟؟
إذا توقفت تعليمات المحيط وأخدت تعليماتي زمام الأمور ؟؟ إذا خضت ميدانا آخر غير ميداني السابق ؟؟
أو مثلا إيلا قدّر الله وتشومرت (كاااع) ؟؟
 
و إيلا قلت ليكوم راه درتها بصّاح ؟؟ هههههه ما كذب الحارس العام : راسي قااااصح وبزاااايد
تصورواا توقفت ودرت باقي ما لم يخطر على بال أحد ،، انا ما صدقت راسي عادي تانتوما ماتصدقوني ،،، لكن اولله تأكدت أنني متمردة أصلية ، مجنوووونة
راه كون عرفتو آشنو كنت وآشنو درت غاتصدمو ،، كنت كانقول الدنيا غريبة طلعت أنا لي غريبة ،،
ونقول ليكوم واحد الحاجة،، ماطرا والو من داكشي لي خفت منو ملّي حوّلت الإتجاه والمنحى والمنظم ونقطة التماس ،، بل بالعكس أحس أنني أكثر تحررا وانني أخوض تجربة لم ولن يخوض مثلها أحد من زملائي البائسين ،،
توقفت تعليمات محيطي عن توجيهي واخدت تعليماتي زمام الأمور  كما كنت أتمنى من قبل وبالفعل خضت ميدانا  آآآآآآآآآآآآآآآخر تماما تماما تماما عن ميداني السابق ،، من الحمارة للطيارة صدق أو لا تصدق
 
وكانحس كاااع بحال إيلا تشومرت ،، حيت ميداني السابق كان ممرتني مزياااااان هادا مريح أكثر ،، وا بزاااااف كااع ،،
هو صراحة كايجيني إحساس أنني ضيعت عليا فرص كثااار حيت الميدان فاش كنت عندو واحد القوة ونتيجتي فيه لم أستغلها بنجاح لكن عندما أفكر بمنطقية أجد أنني أصلا من البداية كنت مخطئة وأن الإختيار لي درت دابا هو فاش كان خاصني نفكر من شحال هادي
الآن أنا هي أنا ،، فاش غانكون كانمارس هواياتي أو مهتمة باهتماماتي ماغانحسش أنني أضيع الوقت أو أن هناك ما هو أهم ،، لأنني الآن صرت أنا ولن أحاول أن اكون شخصا آخر لم أكنه يوما،،
زوين أحيانا أن تتوقف وتغير اتجاهك فقط لأنك غير مرتاح أو أنك لم تعد تحس بوجودك وذاتك في ما تفعل
قد أندم يوما على هذا القرار الذي اتخدته لكن أتمنى أن أتذكر حينها أنني لم أعزم على إتخاده إلا بعدما قررت أن أكون أنا
كايبقاو فيا شي ناس وحتا راسي فاش كانحس أني كاندير شي حاجة حيت الدولة بغاتني نديرها، أن هناك قوة خارجية تقودني تتحكم حتى في قرارات شخصية لا تهم أحداً غيري
أأحسست يوما أن الجميع يسبح في اتجاه وانت في التيار المعاكس ؟؟؟
داكشي باش كانحس ههههه ،،
أحاول أن اتخيل نفسي بعد سنتان أو ثلاث ،، كانتمنا نكون أحسنت الإختيار
 
الجميل في الأمر إضافة إلى كل هذا الجمال السابق ،، أن مواضيعي ستتغير ،، ماشي بحال زملائي ،، ديما نفس الإتجاه بلا بلا بلا بلا ،، كلام لا روح فيه
آآآي سنتان من الحياة الكئيبة المرّة المسُّوسة ،، صيّرونا كالروبوهات ،، لا نتقن لغة لا نحس لا نحيى ،، حتى حصص اللغات كانت يتيمة من جمالها وذوقها ،، حياة باهتة ،،
 
ما تنساوش تدعِيوْ معايا ،،
ولا تجازفوا كثيرا ،،
ماشي تغيير الإتجاه هو المهم وإنما تحديد الإتجاه الأقرب إليكم,,
 
دمتم في رعاية الله
 





























تعليقات

المشاركات الشائعة من هذه المدونة

سوسية 'زعما أنا' تنضم للجن

لست شمكارة ،، لكني ضايعة حتا انا

من سوس أنافلاو تنضم للجن
كليليكو لفووق تسمعوو شي هضرة قاصحة ،، 
واخا قررت مانهضر فالسياسة ولكن ،، جبدووووني تاني 
الغالب الله
خلّاها بنكيران :: بعد المرات كاتقولو شي هضرة كايطلع ليا الدم ،، 

ههههه  الله يخليك لينا أودّا بنكيران ،، اولله أنا نتا عزيز علياا ،، راه ما بغيت شي منصب ،، غِير كلمة الحق
ملّي شفتهوم كايضحكو عليك فينما تهضر فداك مجلس المستشارين ،، علمت وتأكدت أنك عندك ما يتقااال ،، وأنهم يكيدون لك كيدا وأنك تخالف هواهم وتمشي ضد التيار ،، معاانا كاملين
راه الشعب يحب من يكرهه دوك المستشارون وتريكة الفاسي وعوالم الفساد


كلمة حق في حق داعش

السلام عليكم ورحمة الله وبركاته
غبرت بزااااف أنا عاارفة، لكن عمري نسيت واش عندي هاد الفسحة لي كانت ديما كاتخليني نغوت بلا ماتسكتني  صدقووني أشتااااق لأيام التدوين كثيــــــــــــــرا.. كنت بديت كنحس براسي كنتحرر من بزااف دالأفكار لي كانت مرضااني ف عقلي ومابقاش غير راسي لي واكل الدق من كاع دوك السيناريواات الي كايجيوني بل صرت، المدونة وأنا كاناكلو الدق مجموعين ،، لذا خفافت الدقة شويا 

شفت بزاااف ديال الكذووب والظلم والتشويه وكان لابدا نهضر ,, عرفت أن بلا سلبية بوحدها لي تخليني نهضر وانا حاسة بأن الدار داري وبالتالي ناخد راحتي الكاملة رغم أنه لا أمان حيثما كنت ,, أدرك ذلك جيدا
كلمة حق في حق داعش ,, وقبل ما نبداها مابيت تاااشي حد إفكر ولو لبرهة في كلمة "إرهاب" التي ظلت أمريكا ترهبنا بها حتى تحقق مصالحها على أنقاض مخاااوفنا
حرروا عقولكم .. عااد قرااو الله يرضي عليكوم .. ومن له عقل يعبد الإعلام ويصدق كل ما يقولون له إدير بحااال إيلا ما قرااا والو و يحبس عند هاد السطر بارك الله فيه.. ويضرب دورة وعمرو إرجع لهاد القنت حتا يكون مستعد إستقبل كل أوجه الحقيقة باش لا عل وعسى يعرف الوجه الصحيح…

جيت غانعلن ونمشي

السلام عليكم يا سادة
كيف حالكم وحال أحوالكم؟
جئت لأعلن لكم عن جديد سلسلة ::على هذه الأرض ما يستحق الحياة:: 

فقد نشرت اليوم إعلان الجزء الثاني من السلسلة .. لمزيد من صنع الأمل قريبا إن شاء الله أولى حلقات هذا الجزء 


أيضا أعلن عن انطلاق سلسلة جديدة بعنوان #عْرَفْ_حَقَّكْ هي سلسلة لبناء الوعي القانوني، هذا الأمر الذي نعاني منه بشدة في الوسط المغربي باعتبار أن المغرب يمتلك أكبر ترسانة قانونية في العالم لكن أيضا شبه غياب لتنفيذه نقلبوها دارجة ماحدنا بيناتنا دابا: إيلا كانت بلادنا عندها أكبر ترسانة قانونية وفنفس الوقت كانشوفو هاد الرواااين والسيبة لي ولات منتاااشرة بشكل مخيييف هو بصاح الوعي القانوني بووحدو ماكافيش، غِير راه غير هاد الجهل بالقانون كايخلي ناس كثااااار جاهلين أولا بحقهم وبالتالي ماكايقلبوش إجييبوه، سوا عارفينو ولكن جاهلين بكيفاااش إجييبوه حيت ممكن غِير ايلا ماعرفتيش كيفاش تطالب بيه تصدق جابد علا راسك مونتيف وما هي وما لونها .. سوا مقاتلين علا شي أمور وهوما كايسحابليهوم أنها من حقهوم فحين أنهم كايكونو كايطالبو بشي حاجة ماشي كاااع ديالهوم أو لازم إيديرو واجب عاد إستحقو داك الحق واحد الحاجة…