التخطي إلى المحتوى الرئيسي

شكون هادي ::



أواحد السلام عليكوم

رجعت تاني لهاد القنت
فهاد اللحظة محتاجة نهضر كثر من أي لحظة من قبل.. 
محتاجة نفهم راسي دابا كثر من اي مرة من قبل ..
حسيتو بيا مقلقة شويا .. خاسكوم تحسو بيا .. 
واااي وااحد السلبية كاينا فيا فهاد اللحظة ــ ماعرفت كيفاش نخرج منها 
جربت شحال من طريقة ،، لي كان قالها ليا كانقول ليه سير توضى وصلي جوج ركعات وعاود لربي كاع داكشي لي فخاطرك
ولكن ملي ماتقدرش لا تصلي لا تعاود، حتى فاش تسجد ماتحسش برغبة لا فأنك تعاود لا فأنك تبكي لا فأنك تقول تااحاجة ،، محتااجة لشي حاجة أو شي حد .. ميغد .. فاش تولي هاكا لمرضاااا  
والله ما بقيت عارفة مالي ،، وليت بيزااغ .. عرفت هادي تجربة تاني استثنائية فحياتي لعاااالم الله آآآش غادير فيا تاني ولآشمن جهة غاتديني .. غير الله يحضر السلامة
غالبا كانشد الطريق يعني صعيب بعد كااع العذاب ننحرف حيت لإنحراف هو لي أصلا كايعذبني 
والله ما بقا كايبان ليا غير التدوين لإفراغ هاد النبغ لي فخاطري دابا ,, راه شي 3 ايام وانا مقاتلة معا راسي غير باش نحل هاد الباج .. 
ماكرهتش إيكون عقلي مرتابط أوتوماتيكيا بهاد العجب ، فينما نفكر فشي حاجة تجي تكتب هنا نيشان .. مافيا لي إفكر فالحاجة جوج مرات ..
علاش علاش كاتلقا بنادم ماعندو حتا شي هدف فهاد الدنيا واالو ماكايفكر فتا شي تقدم فحتا شي مشروع واالو مابغا إيدير واالو فحياتو ،، ماقاري والو ماكايقرا والو وماغايقراا وااالو ،، لا درجة عندو حتا فالدين ، عادي مايفيق للفجر والو نتا ماتنعسش بكري حيت ساهر معا فكرة ممرضاك فعقلك بغيتي تحكم العالم ، وهو نااااااااعس ماهاز الهم لواالو وماكايخطط لواالو ، نتا ناعس وداير فالبلان خاسك تفيق بكري تاني تابعاك الصلا ومنبعد عندك قرايا وبين القرايا والصلا ماعندك حتا الوقت فاش ترجع تنعس تاني ،وهو فكاااع هاد الوقت راهو مازااال خامر واالو مايزعزعو واالو ،، ويفيق عادي يتوضا ويصلي عاادي طلعات الشمس لونغتوون ،، مايتحرك فيه والو , وااوااالوو لا تأنيب ضمير لا إيمان لا ستة حمص وا غيااان ..
بالنهار آش مقابلييين الشطيح المسلسلات الماكلا لخريج ، ونتا فهادشي كاامل بااقي هاز هم الدنيا كولها ،، نااااااايضة عندك فدماااغك وا الكساااايد كاتفكر ف شلة عجب تخطط وا ماعمرك تهنا ..
فالأخير هو لي ماداير وااااااالو فحياتو والي حياتو مثيرة للشفقة أصلا تلقاه مهنّي وفرحان الموهيم ماشي نيت الفرحة ولكن الموهيم هو عايش ،، ونتا لي نااايضة عندك القربااالة ولا مجاال للروتين فدماغك , نتا ديما مهموم عمرك ما تهنّا عمرك ما ترضى .. علااااااااااش تفوو
هاد الحياة شادا غا العكوووس .. حاولت نعيش بحالهوم مانقدرش مانقدرش .. دماغي مايهنينيش .. مانقدرش مانفكرش .. مانقدرش نتخيل أني جيت ونمشي بلا ماندير والو فهاد الدنيا
كايكون بنادم مهنّي ، الموهيم زعما زعما مهنّي ، وكايبدا إقلّب علا الزلاّت .. والله ،،ماعرفتش علاش آش هاد المرض
دابا عرفتي واحد التنااقض نايض ليا فراسي .. مرضني 
زماننا مروّن .. ماتعرف شنو تشد / شنو تخلّي .. كيف تعيش ،، شنو الحلال شنو الحرام .. ماتعرف أوووف 
شكون المتشدد شكون لي مفرّط .. تخاف تموت تتعذب ولكن شكون تتيق شكون لي كايقول الحق شكون لي علا حق 
إمرضوووك ،، شناهوا الدّين .. 
بزااف دالأسئلة فراسي دايرا حريرة 
عندي الترافيك محبووس ،، ماكاين داخل ماكاين خارج، الطريق بلوكي 
كادوور ليام ،مرة مرة كايسحابلي راسي فهمت ولا صافي راه وصلت ولا راه الطريق تحلات .. كايطلع كولشي داكشي غير وهم ،، القادوس واحل من الجذر .. ماعرفت كيفاش نوصل ليه ماعرفت كيفاش نحلو ..ميغد

غاتموتو بالضحك ولات حياتي مثيرة للسخرية ،، مرة مرة كانشك واش مديور ليا شي سحور . ولا تابعاني شي عين ،، تابعيني حاسديني الكفرة بالله ..خلاها كبور .. ماضحكوووش والله إيلا بصاح هادشي ،، واحد الوقت قلت إقدر فيا الوسواس القهري ، وااه مايمكنش الناس مهنية وانا موسوسة غاابوحدي كايجيوني شي سيناريوات فدماغي شي أفكار شي تخربييييق .. شي يامات تاني شكيت واش فيا شي عقدة نفسية قديمة داكشي ديال فرويد ههه شي حاجة فيا عندها جذور فالطفولة ديالي زعما .. وا هاد النظرية بديت كانتيقها غير الله يعفو وصافي ، بديت كانفكر جديا أني معقدة .. وا انا عارفة راسي معقدة ، ولكن راه دابا تجبدو ليا عقد جداااد هههه والله وليت بيزاغ بالبياااان دابا ..
صراحة بعد 20 عام انا متأكدة فاش غانتفكر هاد الأيام لي كانعيش دابا غانبقا نضحك علا راسي ،، ديكساعا غاتكون هاد الأيام هي أجمل الايام لي عشت ،حيت هادي أكثر فترة كاتكون فيها جالوطة ديال الأحاسيس والأفكار عندك .. عندي زعما هههه.. وادِّيوْها فيا 
وانا متأكدة عاوتاني بأني بهاد التدوين وهاد الفضفضة لي دايرا هنا غادي نوصل أني نفهم راسي شي نهار وغادي نحكم العالم باقي عقلو عليا مزيان 
الفكرة ديال السيطرة على العالم كاتجي بحال شي هلوسة ولا شي تخربيق ، خصوصا بالنسبة للناس لي تفرجو ف بنكي وبرين فصغرهوم ولكن راه هاد الفكرة عندي أنا هي فكرة حقيقية وممكنة وماكاتبانش ليا زعما شي حاجة خيالية ولا غير حالة وغادوز ،، نو نو نو إقدر أي شخص أنو إحكم العالم ..
الموهيم الموهيم .. ياناك إينّان أداس أورتنّيت ..
شفتو هاد الطريقة باش كانهضر .. راه كاتبان مرة مرة فالكتبة ديالي .. انا حاسة بأن هاديك موهبة خااصة ,, كانشك فراسي مرة مرة أن فيها شي سر .. خاصني غير نزيد نكتاشفو .. تما كاينا أنا,, هاديك علامن كانقلب زعما 

هضرت بزااف . راه قلت شي حوايج مقاتلة معا راسي مدة باش نقولهوم ، نخرجهوم من الأعماق .. الجميل أنني هنا كانقول وجمونفوووو ماعارفاش حتا شكون غايقرا هادشي وعاجبني الحال .. انا اصلا ماكانهضرش هاكا معا لي ماكانعرفش .. هادي طريقتي معا لي كانرتااح معاه ..وباش نقول كااع هادشي عليا هاكاك بالمجان واك وااك سو كريزي ههه الموهيم سعداااتكوم بيا وخلاص ههه 

هايي فتيغ .. مانكترش عليكوم كثر من هاكا .. شكرا على القراءة إلى هنا .. 

تعليقات

المشاركات الشائعة من هذه المدونة

سوسية 'زعما أنا' تنضم للجن

لست شمكارة ،، لكني ضايعة حتا انا

من سوس أنافلاو تنضم للجن
كليليكو لفووق تسمعوو شي هضرة قاصحة ،، 
واخا قررت مانهضر فالسياسة ولكن ،، جبدووووني تاني 
الغالب الله
خلّاها بنكيران :: بعد المرات كاتقولو شي هضرة كايطلع ليا الدم ،، 

ههههه  الله يخليك لينا أودّا بنكيران ،، اولله أنا نتا عزيز علياا ،، راه ما بغيت شي منصب ،، غِير كلمة الحق
ملّي شفتهوم كايضحكو عليك فينما تهضر فداك مجلس المستشارين ،، علمت وتأكدت أنك عندك ما يتقااال ،، وأنهم يكيدون لك كيدا وأنك تخالف هواهم وتمشي ضد التيار ،، معاانا كاملين
راه الشعب يحب من يكرهه دوك المستشارون وتريكة الفاسي وعوالم الفساد


كلمة حق في حق داعش

السلام عليكم ورحمة الله وبركاته
غبرت بزااااف أنا عاارفة، لكن عمري نسيت واش عندي هاد الفسحة لي كانت ديما كاتخليني نغوت بلا ماتسكتني  صدقووني أشتااااق لأيام التدوين كثيــــــــــــــرا.. كنت بديت كنحس براسي كنتحرر من بزااف دالأفكار لي كانت مرضااني ف عقلي ومابقاش غير راسي لي واكل الدق من كاع دوك السيناريواات الي كايجيوني بل صرت، المدونة وأنا كاناكلو الدق مجموعين ،، لذا خفافت الدقة شويا 

شفت بزاااف ديال الكذووب والظلم والتشويه وكان لابدا نهضر ,, عرفت أن بلا سلبية بوحدها لي تخليني نهضر وانا حاسة بأن الدار داري وبالتالي ناخد راحتي الكاملة رغم أنه لا أمان حيثما كنت ,, أدرك ذلك جيدا
كلمة حق في حق داعش ,, وقبل ما نبداها مابيت تاااشي حد إفكر ولو لبرهة في كلمة "إرهاب" التي ظلت أمريكا ترهبنا بها حتى تحقق مصالحها على أنقاض مخاااوفنا
حرروا عقولكم .. عااد قرااو الله يرضي عليكوم .. ومن له عقل يعبد الإعلام ويصدق كل ما يقولون له إدير بحااال إيلا ما قرااا والو و يحبس عند هاد السطر بارك الله فيه.. ويضرب دورة وعمرو إرجع لهاد القنت حتا يكون مستعد إستقبل كل أوجه الحقيقة باش لا عل وعسى يعرف الوجه الصحيح…

جيت غانعلن ونمشي

السلام عليكم يا سادة
كيف حالكم وحال أحوالكم؟
جئت لأعلن لكم عن جديد سلسلة ::على هذه الأرض ما يستحق الحياة:: 

فقد نشرت اليوم إعلان الجزء الثاني من السلسلة .. لمزيد من صنع الأمل قريبا إن شاء الله أولى حلقات هذا الجزء 


أيضا أعلن عن انطلاق سلسلة جديدة بعنوان #عْرَفْ_حَقَّكْ هي سلسلة لبناء الوعي القانوني، هذا الأمر الذي نعاني منه بشدة في الوسط المغربي باعتبار أن المغرب يمتلك أكبر ترسانة قانونية في العالم لكن أيضا شبه غياب لتنفيذه نقلبوها دارجة ماحدنا بيناتنا دابا: إيلا كانت بلادنا عندها أكبر ترسانة قانونية وفنفس الوقت كانشوفو هاد الرواااين والسيبة لي ولات منتاااشرة بشكل مخيييف هو بصاح الوعي القانوني بووحدو ماكافيش، غِير راه غير هاد الجهل بالقانون كايخلي ناس كثااااار جاهلين أولا بحقهم وبالتالي ماكايقلبوش إجييبوه، سوا عارفينو ولكن جاهلين بكيفاااش إجييبوه حيت ممكن غِير ايلا ماعرفتيش كيفاش تطالب بيه تصدق جابد علا راسك مونتيف وما هي وما لونها .. سوا مقاتلين علا شي أمور وهوما كايسحابليهوم أنها من حقهوم فحين أنهم كايكونو كايطالبو بشي حاجة ماشي كاااع ديالهوم أو لازم إيديرو واجب عاد إستحقو داك الحق واحد الحاجة…