التخطي إلى المحتوى الرئيسي

جيت غانعلن ونمشي

السلام عليكم يا سادة

كيف حالكم وحال أحوالكم؟

جئت لأعلن لكم عن جديد سلسلة ::على هذه الأرض ما يستحق الحياة:: 


فقد نشرت اليوم إعلان الجزء الثاني من السلسلة .. لمزيد من صنع الأمل
قريبا إن شاء الله أولى حلقات هذا الجزء 



أيضا أعلن عن انطلاق سلسلة جديدة بعنوان #عْرَفْ_حَقَّكْ
هي سلسلة لبناء الوعي القانوني، هذا الأمر الذي نعاني منه بشدة في الوسط المغربي
باعتبار أن المغرب يمتلك أكبر ترسانة قانونية في العالم لكن أيضا شبه غياب لتنفيذه
نقلبوها دارجة ماحدنا بيناتنا دابا:
إيلا كانت بلادنا عندها أكبر ترسانة قانونية وفنفس الوقت كانشوفو هاد الرواااين والسيبة لي ولات منتاااشرة بشكل مخيييف
هو بصاح الوعي القانوني بووحدو ماكافيش، غِير راه غير هاد الجهل بالقانون كايخلي ناس كثااااار جاهلين أولا بحقهم وبالتالي ماكايقلبوش إجييبوه، سوا عارفينو ولكن جاهلين بكيفاااش إجييبوه حيت ممكن غِير ايلا ماعرفتيش كيفاش تطالب بيه تصدق جابد علا راسك مونتيف وما هي وما لونها .. سوا مقاتلين علا شي أمور وهوما كايسحابليهوم أنها من حقهوم فحين أنهم كايكونو كايطالبو بشي حاجة ماشي كاااع ديالهوم أو لازم إيديرو واجب عاد إستحقو داك الحق
واحد الحاجة لي كولنا عارفينها، فاش غايشوفك داك رجل السلطة كيفما كانت بلاصتو، فاش غايشوفك وااعي بحقك وكاتهضر بالقانون بين قوسين حااافظ صواريك، راه غايخاف وغايحسب ليك كل صغيرة وكبيرة ..وتاني باش نكونو موضوعيين وبكل صراحة المغرب تبدل بزاااااااااف ، وشحاال من حاجة مابقاااتش كيما كانت، كاينين شي ماركات لي مازال كايسحاب ليها راسها فعهد الاحتلال ولا فعهد لي هضر إرعف.. مانخليوش ماركة بحال هادي تخسر لينا فالبلاد.. غانشاركو فالتغيير (ماشي داكشي دالإنتخابات) ولاه خاس ن وعاااااو ألخوت .. نفييقو.. راه ماشي فمصلحتنا نبقاو مهمشين هاكا وكيفما جات نقبلوها وساكتين علا أمور من حقنا وغاضرنا ملي تغيب من حياتنا اليومية .. نسدو علا داك الزمان.. كولشي تبدل ماكاين لاش نبقاو كانشوفو ديما ديك الجيهة المعوجة ودوك الوجوه المستبدة .. لي مامقادش غانقادو باباه بزززز .. حنا ولاد اليوم وماغانسمحوش لليوم إيكون بحال البارح .. إيلا سبقنا جيل خااضع فإن هاد الجيل كايستحق إعيش أحسن وفظروف أفضل .. 
من هادشي كامل، درت هاد السلسلة حيت عندي غيرة كبيرة علا هاد البلاد (ماشي ديك الغيرة لي كانظلووو نسمعوها من دوك الخونة والشفارة دالبلاد لي كايحلبو فيها صباح وعشيا) غيرة دبصاااااح .. ماكانحملش نشوفها معوجة ولو غا شويا .. أولله كانشوف المغرب غايولي متقدم علا اليابان .. لي ماتيقنيش ولي ماقادرش إحلم ببلادنا هاكا غِير إخوي عليا هاد المدونة وعمرو إرجع إيدور هنا .. خاس تجرأ تشوفها هاكاك وتآآآمن بأنها غاتولي بينا هاكاك باش نرجعوووها هاكاك ..

هاد السلسلة درتها أيضا باعتباري طالبة حقوق .. ماشي أي طالبة .. ماشي تسدو عليا البيبان ومابقات كاتبان ليا غااا الحقوق. ماشي شعبة ادب وجايبة الباك بمقبول فالاستدراكية .. بالعكس، سمحت فتخصصي التقني وباك بميزة حسن وسمحت فكاع المجالات وكاع البيبان لي تحلو فوجهي .. وختاريت ندرس القانون حيت كانشعل فينما كانوصل لباب لافاك .. كانشعل فينما كايدخل لبروف فينما كايبدا اشرح فنصوص مثاااالية كتبها المشرع من أجل مغرب مثاالي بحال النصوص ديالو .. وفاش كاتخرج للواقع كاتلقا مغرب فاسد .. من ساحة فين خرجو طلبة الحقوق كاتشوف التناقض بين لي فالقانون من مثالية ولي فردود الأفعال من دونية ..
 أودي ماكاين لاش نشوفو هادشي كامل بسلبية .. تgعدووو نرسمو بلاد أجمل .. نغيرو هاد النبg كاااااااامل .. حنا شعب زوين خاس غار نآمنو بيها ونخدمو بلادنا شويا .. 
صافي نسكتو شويا ،، نووضو نبني_و


هاهي روابط السلسلتين:

#عْرَفْ_حَقّك | ح0: مقدمة | سلسلة من أجل الوعي القانوني 
https://www.youtube.com/watch?v=13HDK3Szl5s

إعلان الجزء الثاني من سلسلة :: على هذه الأرض ما يستحق الحياة :: 
https://www.youtube.com/watch?v=-e95OIlv_MY
  

إلى لقاء قادم إن شاء الله

تعليقات

المشاركات الشائعة من هذه المدونة

سوسية 'زعما أنا' تنضم للجن

لست شمكارة ،، لكني ضايعة حتا انا

من سوس أنافلاو تنضم للجن
كليليكو لفووق تسمعوو شي هضرة قاصحة ،، 
واخا قررت مانهضر فالسياسة ولكن ،، جبدووووني تاني 
الغالب الله
خلّاها بنكيران :: بعد المرات كاتقولو شي هضرة كايطلع ليا الدم ،، 

ههههه  الله يخليك لينا أودّا بنكيران ،، اولله أنا نتا عزيز علياا ،، راه ما بغيت شي منصب ،، غِير كلمة الحق
ملّي شفتهوم كايضحكو عليك فينما تهضر فداك مجلس المستشارين ،، علمت وتأكدت أنك عندك ما يتقااال ،، وأنهم يكيدون لك كيدا وأنك تخالف هواهم وتمشي ضد التيار ،، معاانا كاملين
راه الشعب يحب من يكرهه دوك المستشارون وتريكة الفاسي وعوالم الفساد


كلمة حق في حق داعش

السلام عليكم ورحمة الله وبركاته
غبرت بزااااف أنا عاارفة، لكن عمري نسيت واش عندي هاد الفسحة لي كانت ديما كاتخليني نغوت بلا ماتسكتني  صدقووني أشتااااق لأيام التدوين كثيــــــــــــــرا.. كنت بديت كنحس براسي كنتحرر من بزااف دالأفكار لي كانت مرضااني ف عقلي ومابقاش غير راسي لي واكل الدق من كاع دوك السيناريواات الي كايجيوني بل صرت، المدونة وأنا كاناكلو الدق مجموعين ،، لذا خفافت الدقة شويا 

شفت بزاااف ديال الكذووب والظلم والتشويه وكان لابدا نهضر ,, عرفت أن بلا سلبية بوحدها لي تخليني نهضر وانا حاسة بأن الدار داري وبالتالي ناخد راحتي الكاملة رغم أنه لا أمان حيثما كنت ,, أدرك ذلك جيدا
كلمة حق في حق داعش ,, وقبل ما نبداها مابيت تاااشي حد إفكر ولو لبرهة في كلمة "إرهاب" التي ظلت أمريكا ترهبنا بها حتى تحقق مصالحها على أنقاض مخاااوفنا
حرروا عقولكم .. عااد قرااو الله يرضي عليكوم .. ومن له عقل يعبد الإعلام ويصدق كل ما يقولون له إدير بحااال إيلا ما قرااا والو و يحبس عند هاد السطر بارك الله فيه.. ويضرب دورة وعمرو إرجع لهاد القنت حتا يكون مستعد إستقبل كل أوجه الحقيقة باش لا عل وعسى يعرف الوجه الصحيح…